உ.பி / குஜராத் போல் ஆகிறதா (புதுவை) காரைக்கால்? கடையடைப்பு என்ற அராஜகம். காவல்துறைக்கு கண்டனம்.

திரும்ப 17 வருடங்கள் கழித்து 2 வருடங்களுக்கு முன் அனுமதி கோரிய போது, அருகில் அரசு உயர் அதிகாரிகளின் அலுவலகங்கள், வங்கிகள், பள்ளி, கல்லூரிகள் உட்பட , முக்கிய கடைத்தெருவாக இருப்பதால், இருக்கும் போக்குவரத்து மிக அதிகமுள்ள சாலையில் ஆர்ச் அல்லது மண்டபம் கட்டுவது தவறானது. தவறான முன் மாதிரியாகிவிடும் என்று மாவட்ட நிர்வாகத்தால் அனுமதி அளிக்கப்படவில்லை.

மீண்டும் கடந்த நவம்பர்- டிசம்பரில் சாலையின் மேல் மண்டபம் கட்ட மாவட்ட ஆட்சியர், நகரமைப்பு குழுமம், பொதுப்பணித்துறை, காரைக்கால் நகராட்சி அதிகாரிகள் அனுமதி அளிக்க மறுத்த நிலையில், யார்கிட்டயும் அனுமதி வாங்காத நிலையில் அந்த ஆர்ச் கட்ட ஆரம்பிக்கப்பட்டது.

உடனடியாக சில கட்சிகள், அமைப்புகள் தடை கேட்டு மாவட்ட ஆட்சியர் விடுமுறையில் சென்றதால் துணை ஆட்சியர், காவல்துறை கண்காணிப்பாளர், வட்டாச்சியர், நகராட்சி ஆணையர் ஆகுயோரிடம் தடை கேட்டு மனு அளித்தனர்.

அந்த அதிகாரிகளுக்கு வக்கீல் மூலம் நோட்டிசும் அனுப்பப்பட்டது. மேலும் சில மனுக்களும் தபால் மூலம் அனுப்பப்பட்டது.

அந்நிலையில் நகராட்சி ஆணையர், ஆர்ச்சை கட்டுபவர்களுக்கு நோட்டீஸ் ஒன்றும் அனுப்பினார்.

அடுத்ததாக ஜனவரி 3 ம் தேதி சென்னை உயர்நீதிமன்றத்தில் வழக்கும் தொடுக்கப்பட்டது. அதன் பிறகும் சம்பந்தப்பட்ட உயர் அதிகாரிகளுக்கு தபால் மூலம் மனு அளிக்கப்பட்டது.

இதனை தொடர்ந்து ஜனவரி 28 ம் தேதி நகராட்சி ஆணையர் ஆர்ச்சை கட்டும் சம்பந்த பட்டவர்களுக்கு கட்டுவதை நிறுத்தவேண்டும். 10 நாட்களில் கட்டியவரை இடிக்கவேண்டும் என்றும் உத்தரவு ஆணை பிறப்பித்தார். அப்போதும் நிறுத்தப்படவில்லை. இவ்வளவு நடக்கும் போதும் , எந்த துறையிலும் அனுமதி வாங்காத அந்த ஆர்ச் கட்டிடத்தை வேகமாக கட்டினர்.

சென்னை உயர்நீதிமன்றத்தில் இரண்டு, மூன்று முறை, கட்டுபவர்களின் சார்பில் ஆஜரான வக்கீல் மூலம் வாத, பிரதிவாதங்கள் நடைபெற்ற நிலையில், கடந்த 18. 03. 22 அன்று தீர்ப்பு கூறப்பட்டது.

இவ்வளவு நாட்கள், இவ்வளவு நடக்கும் போதும் அனுமதி பெறாத அந்த ஆர்ச்சை வேகமாக கட்டி விட்டு , கட்டிமுடித்தவுடன் தான் பிரச்சினை வந்து இடிக்க போவதாக சிலர் தங்களின் சுயநலத்திற்காக, தவறான தகவலை மக்கள் மத்தியில் பரப்பி வருகின்றனர்.—–>